Heidi Kvamme

Holebuaren Heidi

heidik — Sat, 17 Jul 2010 13:29:46 +0000

Merkeleg det der med ferie. Med ein gong skulen er slutt, melder eg meg meir eller mindre ut av samfunnet og endar opp som ein holebuar i ca to månader før skulen startar igjen. Dette er noko som har skjedd kvart år så lenge eg kan hugse, og dette året er intet untak. Spørsmålet er derfor kva eg eigentleg gjer når det er ferie? Dette lurar eg også på, for dagane går så fort, og eg gløymer både tid og stad meir eller mindre. Heldigvis har eg i det minste jobba i tre veker no, så eg har i det minste fått sosialisert meg med (stort sett) søte demente folk på 70++. Men no har eg på nytt fått ferie, som eg etter all sannsynlegheit skal ha i 4-5(?) veker til. I den tiden har eg store planar om å fortsette å gjere nettopp dette:

Nemleg å lese ferdig Trueblood bokserien… 8(!) bøker!

Ellers har eg og min kjære vore til fjells. Berre så synd at det mest interessange var at eg klarte å svelge eit insekt på vegen opp, og då me først var oppkomne, var det ca 3 millionar mygg der. Her snakkar me mygg i munnen, nasen, øyra og augene. Ellers var det ein veldig fin tur, der eg hverken nekta å gå eller besvimte av anstrengelse.

Veldig ok utsikt i vertfall : )

No hadde eg eigentleg store planar om å bade, men dessverre bestemte skyene seg for å fotfølge sola og kidnappe ho i sekundet eg tenkte tanken. For all del.

29.06.10

heidik — Tue, 29 Jun 2010 18:49:30 +0000

I dag føler eg meg faktisk rett og slett mørbanka i kroppen. Kvifor det? Jo, det skal eg seie: fordi Heidi har etter å ha hatt ferie i nokre veker, byrja å jobbe igjen i dag! Med andre ord har den stakkars kroppen min fått totalt sjokk etter å ha vore mildt sagt mykje i ro i fleire veker, til å pang, byrje å jobbe der ein går og går og går frå kl. 07.30 til 14.30. Òg det gjer ikkje saken betre då eg gjekk(!!) dei 2-3(ca?) kilometerane heim, for så finne ut at det var ein hentelapp i postkassa på den kjære klokka mi (som eg kjøpte på ebay for nokre veker sidan), som gjorde at eg snudde for så å gå nesten like langt tilbake for å hente den, for så å gå heim igjen. Dette er eit fint eksempel på kva ein gjer når ein er skikkeleg desperat. Det kjem definitivt heller ikkje til å skje igjen på ei god stund, berre så det er sagt.

!! : )

Det einaste eg skal gjere resten av kvelden er ganske, rimeleg enkelt: ikkje gjere ein drit. Fann ei bok av Jo Nesbø i “biblioteket” til mamma, som eg ikkje har lest; vurderar med andre ord å angripe den. Det er det einaste logiske å gjere når stygge fotball VM absolutt må overta for Frustrerte Fruer!

Nothing travels faster than the speed of light with the possible exception of bad news, which obeys its own special laws – Douglas Adams

heidik — Tue, 22 Jun 2010 12:56:02 +0000

I det siste har eg:

Vore på avslutning for vidaregåande. Og nettopp derfor har eg òg blitt påtvinga til å bruke den stygge, ekle, varme og stikkande bunaden eg er såå glad i. Er nok definitivt derfor eg smiler veldig komfortabel på dette bildet (men eg er storfornøgd fordi eg ikkje sølte på meg sjølv noko eg alltid gjer, gjev derfor ein stor takk til den fantastiske servietten!). Det blei alt i alt veldig mange falske smil den kvelden:

Det er ikkje mogeleg å sjå perfekt ut i bunad! Heile avslutningen kan enkelt oppsummerast som veldig lite tårevåt (høyrde rykte om at det kun var nokre vaskedamer som tok til tårene), ikkje spesielt vemodig og heller veldig inspirert av folk som på førehand hadde teke seg den friheit med den alkoholholdige drikka. Ein takk til dei som gjorde den ellers så kleine stemninga ganske ok.

Eg og min kjære har i helga vore til fjells for første gong i år! Hurra for at eg brukar ein time på ein tur folk med normal kondis ville brukt 30 minutt! Sjølv har eg nok med å komme opp utan å dø av oksygenmangel. Eg latar derimot som om dette er heilt normalt, og er stolt fordi at eg i det heiletatt gadd/orka/klarte å vere med då eg teoretisk sett skulle vere nokså redusert etter festlegheitene kvelden før.

I kveld skal eg vere åleine utan min bedre (he-he-he) halvdel etter å ha vore meir eller mindre festa saman den siste veka. Eg har med andre ord store planar om å sjå True Blood og Pretty Little Liars utan sukking og uffing i bakrunnen. Veldig greitt igrunn syns eg.

Badeliv!

heidik — Wed, 16 Jun 2010 11:28:25 +0000

Igår fekk eg endeleg ein ny etterlengta dag med sommar! Derfor låg eg (med besøk av min kjære Siri Ann i nokre timar), med andre ord, ute i sola frå klokka var 12.00 til nøyaktig 18.15. Då hadde eg faktisk ikkje noko anna valg ettersom sola alltid skal vere så vanskeleg akkurat her og bestemme seg for å gå ned 18.30. Men I staden er me så “heldige” at me får sol kl. 05.00 om morgenen i stadenfor, som då skal kompensere for at ho går ned så tidleg. Uheldig nok syns eg ikkje dette er så utruleg morsomt, men dessverre kan eg ikkje gjere noko med naturkreftene(?), så eg får nesten berre vere glad til at det er sol i det heileteke.

Men no skal eg komme til saken: det er på slike dagar at eg verkeleg set pris på mitt fantastiske badebasseng! Dette burde vere ein invistering for alle hagar med respekt for seg sjølv(…) rundt om i Norges land. For hallo: i går var den første solskinsdagen etter det blei sett opp i år, og det rakk allerede utpå ettermiddagen å nå 21 grader! Med andre ord var det adjektivet “glovarmt” ungar ville ha valgt for å beskrive vatnet. Det var også det eg sa etter at eg var blitt så nedkjølt at eg ikkje lenger følte kulden.

Men no skal eg derimot gjere noko eg har prøvd i 7 år utan noko vidare hell: desperat prøve å lese Ringenes Herre. Dette har vore eit meir eller mindre uheldig prosjekt på alle måtar, ettersom eg ikkje skjønnar noko som helst av det eg les, og heller ikkje har tolmodet til å lese over 1000 sider. Men eit mål er sett, og eg skal fullføre. Hurra for at eg har lese 200 sider på 7 år!

I love the smell of armpits in the morning. It’s like victory. – Ozzy Osbourne

heidik — Sun, 13 Jun 2010 18:20:33 +0000

Det er rart å tenke på at eg faktisk ikkje har vore åleine/utan kjæraten i så veldig mange helgar på faktisk eit par år. Derfor er det ganske merkeleg når eg då – andre helga på rad – sit heime åleine som ei anna gal kattedame utan venner og lurar på kva i alle dagar eg skal finne på. No skal det seiast at eg også er ein person som elskar mitt eige selskap, men eg har funne ut at dette varer kun i små tidsperiodar om gangen. No er eg i vertfall offisielt lei – og eg har berre vore åleine i ein og ein halv dag. No er det berre to dagar igjen! Såå, kva gjer eg? Det første eg gjorde var noko sjeldant som berre skjer stort sett eit par gonger i året: eg vaska rommet. Dette var jo ein stor nok jobb i seg sjølv, som opptok ein del tid. Deretter fann eg ut at det passa med ein dusj… og så hugsar eg faktisk ikkje så mykje meir av kva eg gjorde i går. Anten var det så ufatteleg lite interessant at eg sjølv har fortrengt det, eller så lid eg av ein gryande alzheimers. Med tanke på at det meste av denne dagen (bortsett frå dei små augeblikka der eg vart forbanna fordi tven ikkje har tatt opp Gossip Girl (….) og at eg spelte Sims3 ei lita stund (les: nokre timar)) også har gått vekk i ei slags tåke, verkar det sannsynleg at det er ein slags kombinasjon av dei to tinga. Tommel opp for det!

Men hadde det berre vore sol, skulle eg ha vore fornøgd! Forrige helg kunne eg faktisk grille litt flesk og nesten(!) bli solbrent mens eg høyrde på P3 dag ut og dag inn, men det går ikkje i dag. Veldig morsomt å tenke på at samme dagen bassenget vart sett opp, byrja det å regne. Enda meir morsomt å tenke på at dette skjedde i fjor òg – og då stoppa det ikkje å regne resten av sommaren heller. Kanskje eg burde gjere noko nyttig for ein gongs skuld, men det fristar ikkje det heller. Slenger heller med to bilder eg akkurat tok, som eit desperat forsøk på å finne tilbake til fotolysten og for å ikkje drepe heile innlegget med bokstavar. Hurra!

Heiheihallo

heidik — Sat, 12 Jun 2010 14:39:34 +0000

Som kanskje nokre har merka, har eg ikkje skrive eit einaste innlegg på gamlebloggen sidan sånn ca i mars. Dette har ein enkel forklaring: eg har ikkje hatt lyst. Grunnen til dette er rett og slett fordi blogg.no-plattformen er idiotisk på alle måtar. Her snakkar vi toppbloggar som juksar, krangling mellom bloggarar og eigarane, og at resten består 12-åringar som for alltid kjem til å ha skrivefeil i språket sitt, og som kjem til i ein alder av 30 fortsatt skrive “hei fin blogg besøk min pliz kozz”. Sååå, eg har tenkt på dette i ei lita sund; altså å bytte bloggplattform. Ganske enkelt fordi eg ikkje har dei heilt store ambisjonane med blogginga, og heller ikkje har noko behov for å klatre topplista på blogg.no. Så her er eg: hurra! Kva eg gjer no, veit eg ikkje. Kanskje eg skal byrje med å gjere ein lang oppsummering av vinteren/våren kort? Okai: eg har vore meir skulelei enn nokon gong, eg har kjøpt ny mac (wuhu!!!), vore (ein slapp) russ og no er eg akkurat ferdig med vidaregåande. Dette var muligens ikkje det mest fascinerande livet eg har høyrt om, men la gå. Det er ivertfall det eg har gjort på, uansett kor kjedeleg det er.

Og ettersom det obligatoriske er skrive, kan eg byrje med kva eg gjer akkurat no: eg er sur (surprise!) fordi at PayPal ikkje vil fungere som eg vil. Veldig kjekt at nokre amerikanarar sit og nektar å tru at eg eksiterar. Veldig hyggeleg at eg av den grunn må sende bilde av pass, visakort, førarkort og kontoutskrift for å motbevise dette. Kva gjer ein ikkje for å kjøpe denne klokka på ebay? I tillegg er kjærasten på fisketur (…….) i nokre dagar, og ettersom eg i tillegg har sommarferie, har eg herved bestemt at eg skal ha Sex og Singelliv-maraton åleine i dag. Skål for det!

(Og dette designet er berre midlertidig, av den fine grunnen at eg ikkje gidd/klarar å gjere noko med det.)